Upuan

Napag-usok ng isang ligaw na katauhan
matamang naghihintay sa pagal na likuran,
makapagbahagi man lang ng marupok na katiwasayan,
sa sulok ng tulalang kaisipan.

Hitit mo ang kahinaan ng aking katawan,
nakikibahagi ka sa malalim na delubyo,
ng emosyon, ng lalim ng gabi,
ng hikbing naimpit sa kulungan ng dormitoryo.

Ikaw na lang ang natirang kapiging,
na sumasalo sa akin sa gitna ng pag-iisip,
teoryang ikaw na lang ang kabahagi,
sa empirikong ikaw na lang ang makakaintindi.

Sa trono mo,ako ang nakapaghahari.
sa lakas mo, sa twina'y kakatwang umaasa.
dahil nananalig ako sa'yo,
dahil sa gabing ito, ikaw'y aking kapiling.
at ikaw ang nagtakda sa aking pagtulog.
gisingin mo ako. Gisingin mo ako.